Медициналық талаптар

                                                                                                                                                                         Назар аударыңыз!!!

Балқаш қалаы «Балдәурен» Республикалық оқу-сауықтыру орталығына балалар мен жасөспірімдерді медициналық іріктеу және жіберу талаптары

1. «Балдауренге» оқушылар, оқу уақытындағы жас мөлшері 11-15 жас (ал жаз мезгілінде 10 жастан) жіберіледі.

2. Барлық балалар мен жасөспірімдер «Балдауренге» келгенде міндетті түрде медицина тексерісінен өтеді; денсаулығына қарай орталыққа келуге болмайтын және толық толтырылған медицина картасы және жолдамасы жоқ балалар жіберуші мекеме немесе ата-анасы есебінен кері қайтарылады. Аталған мәлімет жолдама толтырған мекеме және аумақтық мекемеге жіберілуі қажет.

3. Алаңдағы балалардың құжаттарын қабылдау кезінде жолсеріктер келесі мәліметтерді көрсететін балалардың саны жазылған тізім береді:

• Аты-жөні, туған күні (күні, айы, жылы)
• ЖСН
• Тұрғылықты мекенжайы
• Мектептің нөмірі немесе атауы, сынып (қай әрпі)
• Мектептің мекенжайы (қала/ауыл, көше, үй нөмірі)
• Ата-анасы немесе қамқоршысы, олардың байланыс телефондары.
• Алаңға аттанар алдында 5 тәулік бұрын дифтерияға тексерілуі қажет.

4. Қазақстан Республикасының 2020 жылғы 30 қазандағы №ҚР ДСМ-175/2020 Бұйрығына сәйкес балалардың келесі құжаттары болуы қажет:

1. Медициналық карта немесе 071/у нысаны — «Демалыс лагеріне аттанушы оқушының медицина анықтамасы»;
2. 065/у нысаны — «Егулер картасы» (қызылшаға қарсы екпе болуы қажет);
3. 027/у нысаны — «Диспансерлік есепте тұрғандығын көрсететін анықтама»;
4. Эпидемиологиялық анықтама — инфекциялық аурулармен қатынаста болмағандығын көрсететін;
5. Дерматологтан анықтама — тері және теріқосалқыларының жұқпалы ауруларынан таза болуы;
6. Тіс дәрігерінен анықтама — ауыз қуысын емдеуден өткізгені жайлы;
7. 098/у нысаны — зертханалық тексерулер (қанның жалпы анализі, зәр анализі, нәжісті құртқа (гельминт) 3 рет тексеру);
8. 15 жастан кейінгі балалар үшін — флюорографиялық тексеру;
9. ВКК немесе ПМПК анықтамасы (ерекше білімді қажет ететін балалар үшін)
10. Ата-анасы немесе қамқоршысы толтырып береді — «баланың сауалнамасы»
11. Ата-анасы медициналық араласуға жазбаша келісім береді.
12. Ата-анасы РУОЦ «Балдаурен» өткізетін шаралардағы қатысуға жазбаша келісім береді.
13. Туу туралы куәліктің және ЖСН көшірмесі;
14. Педикулезге шалдыққан балалар алдын ала санитарлық өңдеуден өтуі қажет;
15. Өзімен бірге дәптер, қалам алуы қажет;
16. Бассейнге түсуге — суға түсетін киім және қалпақ;
17. Мектеп формасы болуы қажет.
    Барлық құжаттар емдеу мекемесінің мөрімен және дәрігердің жеке мөрімен куәландырылуға тиіс. Зертханадағы анализдерді тапсырғанда олардың түпнұсқасы, мөрі және анализ нөмірі болуы қажет.

Қазақстан Республикасының Премьер-Министрдің орынбасары — Еңбек және халықты әлеуметтік қорғау министрі 2023 жылғы 30 маусымдағы № 283 (Қазақстан Республикасының Әділет министрлігінде 2023 жылғы 30 маусымда № 32988 тіркелген) бұйрығына сәйкес «Балдаурен» (Балқаш қаласы) орталығына келесі көрсеткіштері бар балалар қабылданады:

1. Ерекше білімді қажет ететін балалар (мүгедектігі бар балалар, мигрант балалар, аз қамтылған және жайсыз отбасы балалар) — растаушы анықтамасы болуы қажет;
2. Ата-анасы жоқ және қамқорлыққа алынбаған балалар;
3. Тірек-қимыл жүйесінің аурулары (сколиоз, кифоз, остеохондроз, деформациялар, Марфан синдромы, жалпақтабан, жарақаттар — туа біткен шығуындағы немесе кейін пайда болған аяқ-қолдың қысқаруы);
4. Эндокриндік жүйе аурулары (семіздік, бойдың өспеуі — карликтер);
5. Нерв жүйесінің аурулары (ДЦП, зейін тапшылығы және гиперактивтік синдром, миалгия, жасөспірімдердің остеохондроздары, тиктер);
6. Тілі дұрыс дамымаған балалар (1-3 деңгейлі сөйлеу тілінің жетіспеушілігі, фонетико-фонематикалық жетіспеушілігі, ринолалия, дизартрия, қатты тұтығу, жазба тілінде кездесетін бұзылыстар — дислексия, дисграфия);
7. Көру қабілетінде ауытқуы бар балалар (соқырлар — мүлде көрмейтін, жарық сезгіштік деңгейінде ғана көреді немесе түзеткіш көзәйнік таққандағы өткірлігі 0,04-ке жетпейді; нашар көретін балалар — түзеткіш әдістер арқылы өткірлігі 0,05-0,4 аралығында);
8. Есту қабілетінде ауытқуы бар балалар (саңырау және құлаққа түзеткіш аппарат таққандағы деңгейі 40-80 децибелге жететін балалар), сонымен қатар тілдің жалпы жетіспеушілігі кездесетін балалар;
9. Психикалық дамуында кідірісі бар балалар (ЗПР);
10. Зияткерлігінің жетіспеушілігі кездесетін балалар (ақыл-есі кем балалар);
11. Эмоционалдық-еркіндік жағындағы ауытқулар (қарым-қатынаста және қоғамдағы тәртіптің бұзылуы, аутизм, мінез-құлықтағы ауытқулар);
12. Генетикалық аурулар (Даун синдромы, бұлшықет дистрофиялары).

Қарсылық көрсеткіштер:

«Балдаурен» (Балқаш қаласы) орталығына келесі диагноздағы балалар қабылданбайды:

1. Аса асқынған немесе жітік аурулар, іріңді процесстер, өкпеден тыс асқынулар және стационарлық емдеуге мұқтаж жайлар;
2. Туберкулездің барлық түрлері;
3. Ревматизм (белсенді және ұстамалар арасындағы уақыт), диспансерлік есептен шыққанға дейін;
4. Жүректің және қан тамырларының туа біткен және жүре пайда болған ақаулары, сонымен қатар операция жасалса да;
5. Гипертония ауруы;
6. Эпилепсия (ұстамасы бар, ошақты, жайылма), ақыл-есінің артта қалуымен және мінез-құлқының өрескел бұзылуымен, ұстама әр түрлі болуы;
7. Жедел психикалық аурулар және реактивтік жайлар;
8. Бронхоэктазиялық ауру, бронх демікпесі;
9. Асқазан және 12 елі ішектің жара аурулары;
10. Жедел нефрит, пиелонефрит (ағымы басылғаннан кейін 5 жылдан кейін ғана), созылмалы нефрит, бүйректі зақымдайтын туа біткен ақаулар;
11. Эндокринді жүйе аурулары (қант диабеті, тиреотоксикоз және т.б.);
12. Жұқпалы және тері паразиттік аурулар (қотыр, саңырауқұлақ, эхинококк және т.б.);
13. Анемия (ауыр деңгейі — гемоглобині 70 г/л төмен);
14. Жұқпалы аурулар (ауру аяқталғанға дейін);
15. Жыныстық жол арқылы берілетін аурулар;
16. Қатерлі ісіктер;
17. Өз бетімен қозғалуға және күтімге қабілетсіз балалар;
18. Естен танып қалу (синкопалар);
19. Арықтық деңгейі өте жоғары болуы (дистрофия 3 деңгейі);
20. Фенилкетонурия (ФҚУ — генетикалық ауру);
21. Әр түрлі іріңді (өкпе) аурулар, ауыр уланумен кездесетін жағдайлар;
    Жұқпалы аурулардан кейін жазылып келетін балаларды жібергенде Қазақстан Республикасының Денсаулық сақтау министрлігінің тиісті бұйрықтары басшылыққа алынады.

Міндетті түрде ВКК немесе ПМПК анықтамасы болуы қажет.