"Тоғызқұмалақ" ойынынан жасөспірімдер арасында Республикалық чемпионат

Ұлттық ойынымыз тоғызқұмалақты бүгінгі тарих бетінен өшірмей, келер өскелең ұрпаққа жеткізу – біздің басты парызымыз. Өзін қазақпын деп санайтын әрбір азамат тоғызқұмалақ ойынының ережесін біліп қана қоймай, оны жұртшылыққа насихаттауы тиіс. Балқаш қаласы Балдәурен Республикалық оқу-сауықтыру орталығында 27.03.2025 жылы қала мектептерімен Балдәурен орталығы арасында  "Тоғызқұмалақ" ойынынан Республикалық чемпионаты өтті. Тоғызқұмалақ жарысына қала мектептерінен Сәкен Сейфуллин, Әл-Фараби, Бауыржан Момышұлы, Саяқ кентінен 6 мектеп қатысып, кіші топтар арасында қыздардан Әл-Фараби атындағы мектеп оқушысы Мұратбек Аяжан 1 орынға ие болды, ал ұлдар арасынан Үйсінбаев Айбар Әлихан Бөкейханов атындағы жалпы орта білім беретін мектептің оқушысы жеңіске жетті. Қатысушылар мен жетекшілер грамота және алғыс хатпен марапатталды. Жас спортшыларымызға сәттілік тілей отырып, ұлттық ойынымызды сақтап, келер ұрпаққа жеткізу жолында барлықтарыңызға табыс тілейміз!