Кітап әлеміне саяхат

Бүгін 6-топ ерекше белсенділігімен көзге түсіп, қалалық кітапханаға қызықты экскурсияға барды. Балалар кітапхананың әртүрлі бөлімдерімен танысып, кітап әлемінің байлығына тереңірек үңілу мүмкіндігіне ие болды. Әр бөлімде оларға жаңа білім мен қызықты фактілер ұсынылды, бұл іс-шараны нағыз танымдық саяхатқа айналдырды.

Экскурсияның ең есте қаларлық сәті — жылдың үздік оқырмандары Ерімбетов Талғат Егізбайұлы мен Оралхан Марғұлан Даулетұлымен кездесу болды. Қонақтар балаларға кітаптың адам өміріндегі рөлі, оқу арқылы жеткен жетістіктері және білімге деген ынтасы туралы әсерлі әңгімелер айтты.

Кездесу барысында балалар өз пікірлерімен бөлісіп, қызық сұрақтарын қойды. Алынған жауаптар мен тыңдаған әңгімелер олардың білімге деген қызығушылығын арттырып, оқу мәдениетін дамытуға зор мотивация берді.

Біз осындай іс-шаралар балалардың кітапқа деген қызығушылығын оятып, шығармашылық ойлау қабілеттерін дамытуға және білімге құштарлығын арттыруға септігін тигізетініне сенеміз.