«Дала додасы»

Ұлттық құндылықтарды сақтау және өскелең ұрпақтың бойына сіңіру – тәрбиелік жұмыстың басым бағыттарының бірі. Осы мақсатта орталығымызда «Дала додасы» атты бекеттік ұлттық ойындар іс-шарасы жоғары деңгейде ұйымдастырылып өткізілді.

Іс-шараның негізгі мақсаты – балаларды қазақ халқының дәстүрлі ойындарымен таныстыру, олардың ұлттық мәдениетке деген қызығушылығын арттыру, сондай-ақ салауатты өмір салтын насихаттау. Шара барысында қатысушылар топтарға бөлініп, орталық аумағында арнайы әзірленген бекеттер бойынша кезек-кезек қозғалып отырды.

Әрбір бекетте балалар қазақтың ұлттық ойын түрлерінен өзара сынға түсті. Атап айтқанда, бір бекетте арқан тартыс ұйымдастырылып, қатысушылар күш пен бірлікті көрсетті. Екінші бекетте бес асық ойыны өткізіліп, балалардың ептілігі мен дәлдігі байқалды. Сонымен қатар, ләңгі тебу арқылы олардың шапшаңдығы мен үйлесімділігі дамытылды. Асық ойындары барысында мергендік пен төзімділікке ерекше назар аударылды.

Аталған іс-шара балалардың физикалық белсенділігін арттырып қана қоймай, олардың ұлттық дәстүрлерге деген құрметін қалыптастыруға, ұжымдық жұмыс дағдыларын дамытуға және достық қарым-қатынасты нығайтуға ықпал етті.

Осындай тәрбиелік мәні зор іс-шаралар алдағы уақытта да өз жалғасын табатын болады.